Koronavırýsty anyqtaıtyn ekspress testiden eń aldymen kimder ótedi

ALMATY. QazAqparat – Almaty qalasy Taýarlar men qyzmetterdiń sapasyn baqylaý departamentiniń basshysy Aızat Moldaqasymova koronavırýsty anyqtaýǵa arnalǵan ekspress test eń aldymen kimderge jasalatynyn aıtty, dep habarlaıdy QazAqparat tilshisi.

«Bul testen kimder ótedi degenge kelsek, eń aldymen alǵy shepte jumys istep júrgen medıtsına, quqyq qorǵaý organdarynyń qyzmetkerleri, dezınfektsııa jasap júrgender jáne volonterler ótedi. Sonymen qatar, arnaıy saıtta anketa toltyryp, ótinim bergender óte alady. ıAǵnı testiden ótýi kerek dep tanylǵan adamdar ǵana tekseriledi. Aldyn ala ótinim bergen azamattyń telefonyna qaı kúni, qaı jerde testen ótetini týraly habarlama keledi», - deıdi ol.

Sonymen qatar, ol qalaǵa ekspress test quraldary jetkizilip, arnaıy 8 oryn belgilengenin atap ótti.

«Olımp» synaq alatyn 5 oryndy daıyndady jáne qaıyrymdylyq qory tarapynan 3 oryn belgilendi, bulardyń bári sanıtarlyq-ekpıdemııalyq talaptarǵa saı»,- deıdi Aızat Moldaqasymova.