Koronavırýsten jazylǵandar sany artyp keledi - Jandarbek Bekshın
«Dúnıejúzinde búgin túske deıin vırýs juqtyrǵandar sany 17 459 adamǵa jetti. Odan 362 adam qaıtys boldy jáne 483 adam tolyq jazylyp shyqty. Ólimge ákep soqqan 96 paıyz oqıǵa aýrýdyń oshaǵy bolǵan Hýbeı provıntsııasynda tirkelgen», - dedi Jandarbek Bekshın Qazmedıa ortalyǵynda ótken brıfıngte.
Onyń aıtýynsha, álem boıynsha aýrýdy juqtyrǵandardyń 98,9 paıyzy – Qytaı turǵyndary.
«Budan úsh qorytyndy jasaýǵa bolady: birinshiden, ınfektsııanyń taralýy jalǵasýda, biraq eń aldymen Hýbeı provıntsııasyndaǵy Ýhan qalasynda tolyq jazylǵandar sany qaıtys bolǵandar sanynan asyp tústi. Bul bizdi qýantady. Úshinshiden, Dúnıejúzilik densaýlyq málimdemesine sáıkes, Qytaı úkimeti epıdemııany negizi aımaqta ǵana oqshaýlaýy kerek», - dedi bas sanıtarlyq dáriger.
Buǵan deıin bas sanıtarlyq dáriger Ýhan qalasynan evakýatsııalanǵan azamattardyń jaǵdaıy týraly aıtyp bergen edi.
Sondaı-aq, 4 aqpannan bastap, Qazaqstan men Qytaı arasyndaǵy áýe qatynasy toqtaıdy.