Koronavırýsten qaıtys bolǵan áıel Aqmola oblysynyń turǵyny bolyp shyqty
NUR-SULTAN. QazAqparat - Kornavırýsten qaıtys bolǵan áıel Aqmola oblysynyń turǵyny bolyp shyqty. Bul týraly QR Densaýlyq saqtaý mınıstrligi Taýarlar men kórsetiletin qyzmetterdiń sapasyn jáne qaýipsizdigin baqylaý komıtetiniń Telegram arnasynan málim boldy.
«Búgin ıntensıvti terapııanyń qoldanylýyna qaramastan aýrýhanada Aqmola oblysynyń 64 jastaǵy turǵyny, áıel adam qaıtys boldy. Sebep – eki jaǵy tutasqan pnevmonııa, tynys alýynyń qıyndyǵy, qant dıabeti kezindegi sepsıs, ateroskleroz gıpertonııasy. Ókpeniń qabynýynyń sebebi – koronavırýs. Aqmola oblysynda turady dep jazylǵan bul patsıent Nur-Sultan qalasynda oblystyq kópsalaly aýrýhanada jatty. Oqıǵa geografııalyq jaǵynan alǵanda Nur-Sultan qalasynda bolǵandyqtan tirkeý de osy jerde júrgizildi. Osyǵan qaraı biz de medıtsınalyq statıstıkamyzdy Aqmola oblysyna jatqyzyp otyrmyz. Osy sebepti erteń bıfıngte qosymsha málimetter aıtylady»,-delingen habarlamada.
