Koronavırýstan jazylǵan soń monshaǵa túsýge bola ma
NUR-SULTAN. QazAqparat - Medıtsınalyq ońaltýdy reformalaý jónindegi jobalyq keńse jetekshisi Láılá Daıyrbaeva koronavırýs indetinen jazylǵandardyń monshaǵa barý ne barmaý máselesine qatysty túsinikteme berdi, dep habarlaıdy QazAqparat tilshisi.
«Naqty eshteńe aıta almaımyn. Degenmen, kez kelgen ınfektsııadan, onyń ishinde kúrdeli juqpaly aýrýdan keıin ystyq protsedýra alýǵa keńes berilmeıdi. Onyń ishinde monsha da bar. Ózim monshaǵa barýǵa barynsha abaı bolýǵa keńes berer edim. Al endi monshadan basqa jýýnýǵa esh múmkindik bolmasa, onda ol ystyq emes, jylylaý bolǵany jón. Óıtkeni, mýltıjúıeli sýyq tııý sındromy kezinde barynsha abaı bolǵan durys», - dedi ol onlaın konferentsııa barysynda BAQ ókilderiniń saýalyna oraı.
Onyń atap ótýinshe, mýltıjúıe aıtarlyqtaı zaqymdanǵan kezde mundaı vırýstardyń áseri qandaı bolatyndyǵyn boljaý óte qıyn.
«Bul rette, barlyǵy da patsıent koronavırýs ınfektsııasynan jazylǵannan keıin saqtalatyn negizgi sındromǵa baılanysty. Muny ol emhanalarda ózin emdeıtin dárigermen talqylaǵany jón bolady. Onyń aǵzasynda qandaı sımptom negizgi bolsa, onda sony ońaltý júrgiziledi», - dedi Láılá Daıyrbaeva.
