Koronavırýstan jazylǵan amerıkalyq qazaqstandyqtarǵa keńes berdi
NUR-SULTAN. QazAqparat - COVID-19 koronavırýsyna shaldyǵyp, emdelip shyqqan amerıkalyq qazaqstandyqtarǵa keńes berdi, dep habarlaıdy QazAqparat.
AQSh-ta 140 myń adam ınfektsııa juqtyrdy. Nıý-Iorktiń naýqastarǵa toly aýrýhanalary barlyǵyn ornalastyra almaı jatyr. Kóptegen adamdar dárigerlerdiń nusqaýymen aýrýmen úıde oqshaýlanyp kúresip jatyr.
Nıý-Iork turǵyny Marıssa Kote solardyń biri. Áıel aýrý belgileri erekshe bolmaǵandyqtan COVID-19-ǵa tapsyrǵan testi oń nátıje beredi dep kútpegen. Jótelmegen jáne tynys alýy nasharlamaǵan. Marıssa bir aptadan keıin ózin jaqsy sezine bastaǵan, biraq tolyqtaı saýyǵyp ketkenshe úıde oqshaýlanǵan.
Marıssa Kote úıde qalý kerektigin atap ótti. Jas kelinshek «Habar-24» telearnasynyń efırinde bizdiń elimizdiń azamattaryna óz keńesin aıtty.
«Men qazaqstandyqtarǵa mynadaı keńes bergim keledi – kóńildi bolyp júrý asa mańyzdy. Suıyqtyq kóp ishińizder, dárýmender men dárigerler jazyp bergen dári-dármekterdi ishe berińizder. Úıdi tolyqtaı – barlyq zattardy dezınfektsııalaý qajet. Belgili bolǵandaı, kóptegen adamdar jazylyp kele jatyr», - dedi ol.
