Koronavırýstan vaktsına ázirleý aktsııasynyń alǵashqy kúni 7 mlrd eýro jınaldy
NUR-SULTAN. QazAqparat - Koronavırýs vaktsınasyn ázirleýge arnalǵan jahandyq aktsııanyń alǵashqy kúni 7 mıllıardtan astam eýro jınaldy, dep habarlaıdy QazAqparat Memlekettik komıssııanyń shuǵyl shtabyna silteme jasap.
«Keshe Belgııa astanasy Brıýsselde «Koronavırýsqa jahandyq jaýap berý» aktsııasy aıasynda qarjy jınalatyny týraly jarııalandy. Onlaın konferentsııanyń birinshi kúni-aq 7 mlrd 400 mln eýro jınaldy. Atalǵan aktsııa eki aptaǵa sozylady», - delingen aqparatta.
Málim etilgendeı, aktsııany Dúnıejúzilik densaýlyq saqtaý uıymy (DDU) jáne Eýrokomıssııanyń qoldaýymen Eýropalyq odaq elderi jáne qaýymdastyqqa kirmeıtin Ulybrıtanııa, Norvegııa jáne Saýd Arabııasy elderi uıymdastyrdy. Sondaı-aq aktsııaǵa Japonııa, Kanada, OAR jáne basqa elderdiń kóshbasshylary qosyldy.
EO elderi bir mıllıard eýro bóletinin málimdedi. Bir mıllıard AQSh dollaryna jýyq qarajatty Norvegııa da berýge ýáde etken..
«Biz bir adam qorǵalyp, ekinshisi qorǵalmaǵan álemde ómir súre almaımyz. Bul, ortaq jaýdy jeńý ǵana emes, sonymen qatar ortaq qaýipsiz bolashaqty qurý múmkindigi. Aqsha jınaý protsesi 23 mamyrǵa deıin jalǵasady», — dedi DDU basshysy Tedros Adhanom Gebreıesýs.
Іs-sharanyń seriktesteri retinde Dúnıejúzilik densaýlyq saqtaý uıymy, Bıll jáne Melında Geıts qory, Vaktsınalar men ımmýndaý boıynsha jahandyq alıans jáne basqa da halyqaralyq qurylymdar qatysady.
