Koronavırýstan taǵy 14 adam qaıtys boldy - mınıstrlik

NUR-SULTAN. QazAqparat – El óńirlerinde koronavırýstan taǵy 14 adam qaıtys boldy, dep habarlaıdy QazAqparat QR Densaýlyq saqtaý mınıstrligine silteme jasap.

Vedomstvo málimetine súıensek, 16 jeltoqsandaǵy bir táýlikte koronavırýs ınfektsııasynyń belgileri bar pnevmonııanyń 3 jaǵdaıy tirkeldi, 36 adam indetten saýyqty.

Jalpy, 2020 jylǵy 1 tamyzdan bıylǵy 16 jeltoqsanǵa deıin koronavırýs pnevmonııasyna 83 619 adam shaldyqty, onyń ishinde jazyldy – 75 847, qaıtys boldy – 5 195 naýqas.

Sondaı-aq mınıstrlik dereginde 16 jeltoqsan kúni koronavırýstan 14 adam qaıtys bolǵany kórsetilgen. Jalpy, pandemııa bastalǵaly vırýs 982 475 adamnan anyqtaldy, onyń ishinde jazylyp shyqty 952 314 naýqas, qaıtys boldy – 12 917 adam.