Koronavırýstan onkologııalyq aýrýy bar qansha naýqas qaıtys boldy
NUR-SULTAN. QazAqparat – «Qazaq onkologııa jáne radıologııa ǵylymı-zertteý ınstıtýty» AQ basqarma tóraıymy Dılıara Qaıdarova ótken jyldyń naýryzynan beri onkologııalyq aýrý bar qansha adamnyń koronavırýstan qaıtys bolǵanyn aıtty, dep habarlaıdy QazAqparat tilshisi.
«Ótken jyldyń naýryzynan beri shamamen 5 600 onkologııalyq aýrýy bar naýqas COVID-19-ǵa shaldyqty jáne osy kezeń ishinde shamamen 45-i qaıtys boldy», - dedi Dılıara Qaıdarova Ortalyq kommýnıkatsııalar qyzmetindegi baspasóz máslıhatynda.
Onkologııalyq naýqastardyń elektrondyq tirkeliminiń derekterine sáıkes, qaterli isikterden bolatyn ólim-jitim kórsetkishi 2020 jyly 100 myń turǵynǵa shaqqanda 75,5 nemese 14 150 jaǵdaı boldy. Ólim-jitimniń tómendeýi 0,7 paıyzdy qurady. Ólim-jitim qurylymynda birinshi orynda ókpe obyry, odan keıin asqazan obyry, kolorektaldy qaterli isik pen sút bezi obyry tur.
«2020 jyly onkologııalyq naýqastar kontıngenti 190 159 adamdy qurady. Onkologııalyq aýrýlar qurylymynda birinshi orynda sút bezi obyry - 13,2, ekinshi orynda ókpe obyry – 10,4, úshinshi orynda kolorektaldy qaterli isik - 9,6 paıyz bolyp otyr. Aýyrǵandardyń 56 paıyzy eńbekke qabiletti jasta», - dedi D.Qaıdarova.
