Koronavırýstan kóz jumǵan áıelmen poıyzda birge bolǵan 2 qostanaılyq karantınge jabyldy
QOSTANAI.QazAqparat – Qostanaı oblysynda koronavırýstan qaıtys bolǵan áıelmen poıyzda birge bolǵan eki adam karantınge jatqyzyldy, dep habarlaıdy QazAqparat.
Oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málimetinshe, 27 naýryz kúni Arqalyq qalasy men Jitiqara aýdanynda eki adam aýrýhanaǵa jatqyzyldy.
«Olardyń koronavırýstan qaıtys bolǵan áıelmen bir poıyzda bolǵany anyqtaldy. Jolaýshylar Aqmola oblysynan kele jatqan. Ekeýinen de COVID-19 taldaýlary alynyp, teris nátıje kórsetti. Bul adamdar barlyq karantındik merzimde medıtsına qyzmetkerleriniń qadaǵalaýynda bolady», - delingen vedomstvonyń habarlamasynda.
Aıta keteıik, Qazaqstanda koronavırýs ınfektsııasynan bir áıel qaıtys boldy.
