Koronavırýstan kóz jumǵan áıelmen qudalyqta birgen bolǵan almatylyq ta indet juqtyrǵan
ALMATY. QazAqparat – Almatyda qudalyqta bolǵan áıeldiń koronavırýs juqtyrǵany anyqtaldy. Bul týraly búgin onlaın brıfıng barysynda qalalyq qoǵamdyq densaýlyqty saqtaý basqarmasynyń basshysy Tileýhan Ábildaev aıtty, dep habarlaıdy QazAqparat tilshisi.
Onyń aıtýynsha, Aqmola oblysynyń arnaıy qyzmet ókilderi koronavırýstan qaza bolǵan áıeldiń Almatyda qudalyqta bolǵanyn habarlaǵan.
«Almatyda ol áıelmen 6 adam jaqyn aralasqany anyqtaldy. Olardyń barlyǵy qazir oqshaýlandy. Olar qudalyqta birge bolǵan. 6 adamnyń ishinde bireýi koronavırýs juqtyrǵan. Ol áıel qaladaǵy juqpaly aýrýlar aýrýhanasyna jatqyzyldy», - dedi Tileýhan Ábildaev.
Basqarma basshysy karantın kezinde ulttyq dástúrlerimizdi toqtata turý kerektigin aıtty.
«Ulttyq dástúrlerimiz – qudalyq, betashar sııaqty balalardyń qýanyshyna jasalatyn joralǵylardy toqtatý kerek. Kóp adam bas qosatyn, tamaqtanatyn dástúrler qazir qajet emes. Kóp nárse tártipke baılanysty», - dedi T.Ábildaev.
