Koronavırýstan kóz jumǵan áıelmen baılanysta bolǵandardyń test nátıjesi jarııalandy
TALDYQORǴAN. QazAqparat - Koronavırýstan kóz jumǵan áıelmen qarym-qatynasta bolǵan adamdardyń test nátıjesi jarııalandy, dep habarlaıdy QazAqparat Jedel shtabtyń Telegramm paraqshasyna silteme jasap.
Almaty oblysynda koronavırýstan kóz jumǵan áıelmen qarym-qatynasta bolǵan 7 adam anyqtaldy. 27 naýryz kúni túnde 4 adamnyń test synamalarynyń nátıjesi shyqty. Olardyń koronavırýs juqtyrmaǵany anyqtaldy. Alaıda olar áli de dárigerlerdiń baqylaýynda bolady. Qalǵan adamdardyń test nátıjesi áli daıyn emes.
Esterińizge salsaq, 26 naýryz kúni elimizde áıel adam koronavırýs dertinen kóz jumdy. Ol Aqmola oblysy Qosshy aýylynyń 64 jastaǵy turǵyny. 13-17 naýryz aralyǵynda Almatyda jáne Shýda qonaqta bolǵan.