Koronavırýstan kóz jumǵan áıel turǵan úı dezınfektsııalanady - Serik Omarhanov
NUR-SULTAN. QazAqparat – Koronavırýstan kóz jumǵan 64 jastaǵy áıelmen jaqyn aralasqandar anyqtaldy. Bul týraly Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Serik Omarhanov aıtty, dep habarlaıdy QazAqparat tilshisi.
«Naýqaspen jaqyn aralasqan adamdar anyqtaldy. Olar otbasy músheleri jáne naýqas jatqan №2 kópsalaly oblystyq aýrýhana. Onymen baılanysta bolǵan adamdar aýrýhanaǵa jatqyzylyp, zerthanada tekserýden ótti. Olar medıtsınalyq baqylaýda bolady», - deıdi Serik Omarhanov Habar 24 telearnasynda ótken onlaın brıfıngte.
Jerleý rásimi ótkennen keıin marqum áıel turǵan úı dezınfektsııalanady.
«Qazirgi ýaqytta epıdemııaǵa qarsy sharalar júzege asýda. Jerleý rásimi ótkennen keıin qaıtys bolǵan áıel turǵan úıge tolyq dızenfektsııa jasalady. Dızenfektsııany Nur-Sultan qalasynyń Ulttyq saraptama ortalyǵy júrgizedi»,- deıdi ol.
Eske sala ketsek, buǵan deıin Qazaqstanda koronavırýs ınfektsııasynan bir áıel qaıtys bolǵany týraly jazdyq.
