Koronavırýstan kóz jumǵan áıel Almatyda 6 adammen baılanysta bolǵan
ALMATY. QazAqparat – Koronavırýstan qaıtys bolǵan áıel Almatyǵa kelgende 6 adammen tyǵyz baılanysta bolǵan. Bul týraly qalalyq Qoǵamdyq densaýlyq saqtaý basqarmasynyń basshysy Tileýhan Ábildaev aıtty, dep habarlaıdy QazAqparat tilshisi.
«Koronavırýstan qaıtys bolǵan 64 jastaǵy áıel jaıly aqparat bizge basqa óńirden keldi. Búginde Almaty boıynsha 6 jaqyn aralasqan adam anyqtaldy. Olardyń barlyǵy tolyq tekserý úshin provızorlyq emhanaǵa oqshaýlandy», - dedi basqarma basshysy.
Munyń aldynda 64 jastaǵy áıelmen tyǵyz baılanysta bolǵan adamdar túgel oqshaýlanyp, turǵylyqty mekenjaıy tolyq zararsyzdandyrylatynyn jazǵan edik.
