Koronavırýstan qorǵaný úshin sozylmaly aýrýy bar adamdar neni eskerýi kerek
NUR-SULTAN. QazAqparat – Koronavırýstan qorǵaný úshin sozylmaly aýrýy bar adamdar neni eskerýi kerek? Bul suraqqa Nur-Sultandaǵy Kópsalaly medıtsınalyq ortalyǵyna qaraıtyn qalalyq ınfektsııalyq ortalyqtyń basshysy Tatıana Tsechoeva jaýap berdi, dep habarlaıdy QazAqparat tilshisi.
«Koronavırýs órship turǵan ýaqytta sozylmaly aýrýy bar adamdarǵa neni eskerýi kerek? Eń birinshi kezekte bul sanattaǵy azamattar oqshaýlanýy tıis. ıAǵnı ınfektsııany juqtyrarlyq qaýipti oryndarǵa barynsha barmaýy kerek. Sozylmaly aýrýy bar adamdarda koronavırýstyń alǵashqy belgisi paıda bolsa, birden medıtsına qyzmetkerine júgingen abzal. Dáriger ony emdeýdiń ádistemesin aıqyndaıdy. Patsıent úıde emdeledi, bolmasa statsıonarǵa jatqyzylady», - dedi Tatıana Tsechoeva OKQ-da ótken baspasóz máslıhatynda.
Dáriger sonymen qatar koronavırýs adamnyń tynys jolyn qabyndyratynyn aıtyp ótti. Onyń sózinshe jalpy koronavırýs juqtyrǵan adamda mýltıjúıeli qabyný kúsheıedi.
«Adamnyń dene qyzýy paratsetomoldan basylmasa birden dabyl qaǵyp, jedel járdem qyzmetine habarlaý kerek. Sondaı-aq keýde aýyrlasa – ol tromb túzililisiniń paıda bola bastaǵanyn bildiredi. Ol kezde de birden dabyl qaǵý kerek. Odan bólek tynys alý jıilese, ıaǵnı dem alys mınýtyna 20-dan asyp ketse de jedel járdem shaqyrǵan abzal. Bul sıpmtomdar pnevmonııanyń kúsheıip bara jatqanyn bildiredi», - dedi ol.
