Koronavırýstan qaıtys bolǵan Túrkistan oblysynyń turǵyny Almatydan kelgenin jasyrǵan
NUR-SULTAN. QazAqparat – Túrkistan oblysynda koronavırýstan kóz jumǵan naýqasqa qatysty málimetter belgili boldy, dep habarlaıdy QazAqparat tilshisi.
«Túrkistan oblysynda koronavırýs ınfektsııasyn juqtyrǵan 23 adam rastaldy. Onyń ishinde Jetisaı aýdanynda - 11, Kentaý qalasynda – 2, Arys qalasy – 1, Ordabasy aýdanynda – 1, Saryaǵash aýdanynda – 1, Maqtaaral aýdanynda – 4, Saıram aýdanynda – 2 adam anyqtaldy. Osy adamdarda vırýs anyqtalyp, 1 adamnyń ólimi tirkeldi. Olar osyǵan deıin koronavırýs ınfektsııasyn juqtyrǵan naýqastarmen baılanysta bolǵan», - dedi Túrkistan oblysy qoǵamdyq densaýlyq basqarmasynyń basshysy mindetin atqarýshy Sáýle Jamalova «Habar 24» telearnasynyń tikeleı efırinen.
Sonymen qatar ol indet juqtyrǵandar oqshaýlanyp, em qabyldap jatqanyn jetkizdi. Atalǵan azamattarmen baılanysta bolǵandardy anyqtap, oqshaýlaý jumystary júrgizilýde.
«Ókinishke qaraı, búgin tańerteń Túrkistan oblysynda koronavırýs indetinen Jetisaı qalasynyń 1956 jylǵy azamaty qaıtys boldy. Naýqas 29 naýryzda aýrýhanaǵa jatqyzylǵan. Naýqastyń qosalqy aýrýy – qant dıabeti. Barlyq synymalar alynyp, emdik sharalar júrizildi. Naýqastyń jaǵdaıy nasharlap, búgin tańerteń kóz jumdy», - dedi S. Jamalova.
Belgili bolǵandaı, naýqas 15 naýryzda Almatydan kelgenin jasyrǵan.
