Koronavırýstan qaıtys bolǵan áıelmen ózge óńirde baılanysta bolǵandar oqshaýlanýda
TALDYQORǴAN. QazAqparat – Koronavırýstan qaıtys bolǵan Aqmola oblysynyń turǵynymen qarym-qatynasta bolǵa eki adam Almaty oblysynda oqshaýlandy, dep habarlaıdy QazAqparat tilshisi.
«Koronavırýstan qaıtys bolǵan adammen qarym-qatynasta bolǵan eki adam Almaty oblysynda oqshaýlandy. Qazir aýrýhanada jatyr. Endi osy eki adammen qarym-qatynasta bolǵan taǵy bes adam anyqtaldy. Olar da dárigerlerdiń bqylaýynda. Barlyǵynyń analızderi tolyq alynǵan. Nátıjesin kútýdemiz, daıyn bolǵanda qosymsha aqparat beremiz», - Almaty oblystyq Densaýlyq saqtaý basqarmasynyń baspasóz hatshysy Láılim Áýbákirova.
Esterińizge sala keteıik, 26 naýryz kúni elimizde áıel adam koronavırýs dertinen kóz jumdy. Ol Aqmola oblysy Qosshy aýylynyń 64 jastaǵy turǵyny.
Málim bolǵandaı, ol shetelge shyqpaǵan jáne JRVI, koronavırýs dertine shaldyqqandarmen baılanysta bolmaǵan. 13-17 naýryz aralyǵynda Almatyda jáne Shýda qonaqta bolǵan.
