Koronavırýstan qaıtys bolǵan adam donor bola ala ma
NUR-SULTAN. QazAqparat – QR Ulttyq kardıohırýrgııalyq ortalyǵynyń basqarma tóraǵasy ıÝrıı Pıa koronavırýstan qaıtys bolǵandardyń donorlyǵy týraly aıtyp berdi, dep habarlaıdy QazAqparat tilshisi.
«Men panedmııa kezindegi júrek pen ókpe transplantatsııasy máselelerin talqylaıtyn halyqaralyq toptyń múshesimin jáne biz koronavırýstan qaıtys bolǵandardyń aǵza múshelerin alý máselesin jıi talqylaımyz. Meniń jeke pikirim - ár naýqasty derbes qarastyrý. Organǵa muqtaj adamnyń sanaýly kúni qalsa, bul ota onyń uzaǵyraq ómir súrýine múmkindik berse, táýekel etý kerek. Bul - meniń jeke pikirim. Adam ómirin tipti 1 kúnge uzartýǵa múmkindik berse, bul múmkindikti paıdalaný kerek», - dedi ıÝrıı Pıa kardıohırýrgııalyq ortalyqta ótken baspasóz máslıhatynda.
Onyń aıtýynsha, KVI pandemııasynan búkil álemde organ transplantatsııasy máselesi qıyndaı túsken.
«Halyqaralyq top múshesi bolǵandyqtan, ózge eldermen aqparat almasyp otyramyz. Kóptegen elder donorlyq organdardy jetkizý shektelgendikten, tutas baǵdarlamany ýaqytsha toqtatty. Al donorǵa muqtaj asa aýyr jaǵdaıdaǵy naýqastar áli de bar», - dedi ıÝ. Pıa.
