Koronavırýstan qashqan halyq Qytaıǵa bet aldy - The Wall Street Journal
NUR-SULTAN. QazAqparat - Birneshe apta buryn vırýs juqtyrýdan qashqan halyq Qytaıdan kete bastap edi. Endi jaǵdaı keri buryldy. Adamdar Qytaıdy koronavırýstan qorǵaıtyn eń qaýipsiz jer dep eseptep, sol jaqqa aǵyla bastady.
Apple Inc. Kompanııasy qytaı naryǵyndaǵy dúkenderin qaıta ashyp, basqa memleketterdegi dúkenderin eki aptaǵa japty. Al Djek Ma AQSh-qa 1 mln maska men 100 myń test syılaıtynyn málimdedi», - dep jazady The Wall Street Journal .
«Dúısenbi kúni Qytaıdyń ulttyq densaýlyq saqtaý komıssııasy endi vırýsty memleketke kirgizbeý sharalaryn qolǵa alý qajet ekenin aıtty. Al Beıjińniń mýnıtsıpaldy úkimeti qalaǵa shetelden kelgenderdi 14 kúndik karantınge jatqyzatynyn málimdedi», - dep jazady basylym.
Avtordyń aıtýynsha, halyq Qytaıdyń jaǵdaıdy qatań baqylaýda ustaıtynyna senedi.
«Dúnıejúzilik densaýlyq saqtaý uıymy jeksenbi kúni Qytaıda koronavırýstyń 24 jaǵdaıy tirkelgenin aıtty. Al álemde bul kórsetkish 10955-ke jetken edi», - dep jazylǵan maqalada.
