Koronavırýstan emdeý protsesine qandaı preparat qamtylǵan - Basqarma basshysynyń jaýaby
NUR-SULTAN. QazAqparat –Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova koronavırýs ınfektsııasyn juqtyrǵandardy emdeý protsesinde deksametazon preparaty qamtylǵanyn aıtty, dep habarlaıdy QazAqparat tilshisi.
«Densaýlyq saqtaý mınıstrligi janyndaǵy komıssııa koronavırýs ınfektsııasyna shaldyqqandardy emdeý hattamasyna únemi ózgertýler engizip turady. Sondyqtan bekitilgen hattamaǵa sáıkes jumys istep jatyrmyz. Qabynýǵa qarsy deksametazon preparatyna toqtalsaq, bizde mundaı preparat bar. Infektsııa asqynǵan kezde konsılıýmnyń sheshimimen, áriptesterimiz em-dom protsesinde atalǵan dári-dármekti paıdalanady», - dedi S. Qısyqova Ortalyq kommýnıkatsııalar qyzmetinde.
Budan buryn buqaralyq aqparat quraldarynda Ulybrıtanııa ǵalymdary deksametazon ınfektsııasyn juqtyrǵandar arasynda ólim-jitimdi tómendetetinin jarııalaǵan edi.
Aıta keteıik, Sáýle Qısyqova koronavırýs ınfektsııasyn juqtyrǵan adamdar birinshi kezekte ne isteý kerektigin túsindirdi.
Onyń sózine qaraǵanda, dene qyzýy 38 gradýstan joǵary bolsa, 500 mıllıgramnan paratsetamol jáne kúnine bir ret aspırın (150 mıllıgram) qabyldaýy kerek.
