Koronavırýstan emdelip jatqan Borıs Djonson aýrýhanadan shyqty
LONDON. VVS-QazAqparat – Koronavırýsqa shaldyqqan Ulybrıtanııanyń premer-mınıstri Borıs Djonson Londondaǵy Sent-Tomas aýrýhanasynan shyqty, dep habarlaıdy VVS.
Daýnıng-strıttiń habarlaýynsha, premer-mınıstr dárigerlerdiń keńesi boıynsha jumysyna ázirge oralmaıdy.
«Borıs Djonson kórsetken kómegi úshin Sent-Tomas aýrýhanasynyń barlyq qyzmetkerine alǵys aıtty» delingen málimdemede.
Eske sala keteıik, Ulybrıtanııa premer-mınıstri Borıs Djonson 27 naýryzda óziniń koronavırýs juqtyrǵanyn rastaǵan edi. Ol sodan beri oqshaýlanyp, memleketti úıinen basqara bastaǵan.
6 sáýirde jaǵdaıy nasharlaǵan premer aýrýhanaǵa jatqyzyldy .
