Koronavırýstan emdelip jatqan 12 naýqastyń jaǵdaıy óte aýyr
NUR-SULTAN. QazAqparat - 1 qyrkúıektegi málimet boıynsha, 17 448 adam koronavırýs ınfektsııasynan (–17 119+ jáne 329 KVI-) emdelip jatyr.
QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııasynyń málimetterine qaraǵanda, emdelip jatqandardyń ishinde 486 patsıent statsıonarda, 16 962 naýqas ambýlatorııalyq deńgeıde em qabyldaýda.
KVI+, KVI- shaldyqqandardyń arasynda:
6 adamnyń jaǵdaıy aýyr,
12 patsıenttiń jaǵdaıy óte aýyr,
5 naýqas jasandy tynys alý apparatynda jatyr.
