Koronavırýstan emdelgenderge ońaltý ortalyqtary ashyldy - Atyraý
ATYRAÝ. QazAqparat –Atyraýda Atyraýda koronavırýstan emdelgenderge arnalǵan ońaltý ortalyqtary jumysyn bastady, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetinshe, Atyraý qalasyndaǵy 6 sport kesheninde reabılıtolog mamandar alǵashqy jattyǵý júrgizedi. Shahar turǵyndarynyń basym bóligi tirkeýde turǵan №1 jáne №5 qalalyq emhanalarynyń emdelýshileri «Rıvera» deneshynyqtyrý-saýyqtyrý sport kesheninde em-sharalardy qabyldaýda.
№1 Atyraý qalalyq emhanasynyń dáriger-epıdemıology Ómirgúl Qostaevanyń aıtýynsha, koronavırýspen aýyrǵan naýqastarda álsizdik baıqalady. Sondyqtan aǵzany qalpyna keltirýdiń mańyzy zor. Onyń ártúrli joly bar. Sonyń ishinde gımnastıkalyq jattyǵýdyń óte paıdaly bolmaq.
«Birinshi kezekte pnevmonııamen aýyrǵan naýqastardy qabyldaımyz. Emdelýshiler arasy ashyq alańqaıda 1,5 metr qashyqtyqtaturyp, emdik sharalardy jasaıdy. Al, kún salqyndaǵan kezde jattyǵý sharalary sport keshenderiniń ishinde arnaıy sporttyq jabdyqtar arqyly ótedi. Ońaltý jattyǵýynyń merzimi –10 kún. Jattyǵýlardy tańerteń 15-30 mınýt júrgizemiz. Dene jattyǵýy stressti, mazasyzdyqty nemese depressııany jeńý baǵytynda óte qajet», - dedi epıdemıolog dáriger Ómirgúl Qostaeva.
«Rıvera» sport keshenindegi ońaltý ortalyǵyna alǵashqy kúni 40-tan astam astam emdelýshini qabyldady. Ońaltý ortalyǵyna kelýshiniń biri Roza Imanǵalıeva maýsym aıynda ókpesiniń 15 paıyzy zaqymdanyp, emdelip shyqqan.
«Qazir jaǵdaıym jaqsy. «Rıvera» sport keshenine №5 Atyraý qalalyq emhanasy janynan arnaıy uıymdastyrylǵan kólikpen kelip júrmiz. Keshe bastalǵan ońaltý sharasynyń áserin sezine bastadym. Dene jattyǵýy aǵzaǵa dárisiz-aq, kúsh-qýat beredi. Ońaltý sharasynyń oń nátıje beretinine senemin» - deıdi ortalyqtyń emdelýshisi Roza Imanǵalıeva.
Atyraý oblysynda koronovırýs ınfektsııasynyń pnevmonııa túrine shaldyǵyp, saýyǵyp shyqqan 5714 adam qazirgi kezde ońaltý sharasyn qajet etedi. Onyń 4194-i Atyraý qalasynda turady. Al 1520 adam aýdandarda tirkelgen. Olar jergilikti jerdegi deneshynyqtyrý sport keshenderiniń alańqaılarynda uıymdastyrylǵan ońaltý sharalaryna qatysýda.
