Koronavırýstan balalar arasynda ólim-jitim bolǵan joq – Densaýlyq mınıstrligi

NUR-SULTAN. QazAqparat –Koronavırýs juqtyrǵan júzden astam bala aýrýhanada emdelip jatyr. Bul týraly Densaýlyq saqtaý vıtse-mınıstri Ajar Ǵınııat aıtty, dep habarlaıdy QazAqparat tilshisi.

«Qazirgi tańda respýblıka boıynsha koronavırýs juqtyrǵany rastalǵan 73,4 myńnan asty. 61,8 paıyzy emdelip shyǵyp otyr. Pnevmonııamen aýyryp jatqan adamdardyń sany aýrýhanalarda 8 myńǵa jýyq. Osy 8 myń naýqastyń ishinde mamyr aıynan bastap 1 myńnan astam bala aýyrdy. Qazir júzden astam bala emhanada em alýda. Balalar koronavırýs ınfektsııasynyń óte jeńil túrimen aýyryp jatyr. Balalar arasynda osy ınfektsııadan eshqandaı ólim-jitim tirkelgen joq», - dedi Ajar Ǵınııat OKQ-da ótken baspasóz máslıhatynda.

Eske sala ketsek buǵan deıin Densaýlyq saqtaý mınıstri Alekseı Tsoı Qazaqstanda koronavırýstan 59 medıtsınalyq qyzmetker kóz jumǵanyn habarlaǵan bolatyn.