Koronavırýstan 900-ge jýyq naýqas emdelip jatyr – mınıstrlik

ASTANA. QazAqparat – QR Densaýlyq saqtaý mınıstrligi koronavırýsqa shaldyqqan naýqastardyń jaǵdaıy týraly aıtty, dep habarlaıdy QazAqparat.

Koronavırýs ınfektsııasyna (KVI+) jáne koronavırýs pnevmonııasyna (KVI-) shaldyqqandar arasynda:

- 1 adamnyń jaǵdaıy aýyr;

- 3 patsıenttiń jaǵdaıy óte aýyr;

- 1 naýqas ókpeni jasandy jeldetý apparatyna qosylǵan.

Jalpy, 27 qazandaǵy málimet boıynsha, qazir el óńirlerinde 880 adam koronavırýs ınfektsııasynan (734 naýqas KVI+, 146 naýqas KVI-) emdelýde. Olardyń ishinde 89 patsıent statsıonarda, 791 naýqas ambýlatorııalyq deńgeıde em qabyldaýda.

26 qazan kúngi táýlik ishinde atalǵan vırýs taǵy 22 adamnan anyqtaldy. Koronavırýs pnevmonııasyna shaldyqqandar joq.