Koronavırýstan 25 myń adam kóz jumdy - VVS
NUR-SULTAN. QazAqparat - Koronavırýs pandemııasy álem boıynsha 25 myń adamnyń ómirin jalmady. Sonyń ishinde Eýropa qatty zardap shekti, ol jaqta osy dertten 17 314 adam qaza tapty. Qazirgi ýaqytta AQSh koronavırýs juqtyrǵandar sany boıynsha Qytaıdy basyp ozdy (juma kúni AQSh-ta koronavırýs juqtyrǵandardyń sany 100 myńnan asyp ketti) dep habarlaıdy QazAqparat VVS silteme jasap.
Koronavırýs saldarynan kóz jumǵandardyń sany boıynsha birinshi orynda Italııa (9 134), odan keıin Ispanııa (4 934) men Qytaı (3 292) tur. 2019 jyldyń jeltoqsan aıynan bastap álem boıynsha 600 myńǵa jýyq adam koronavırýs juqtyrǵan. Ótken táýlikte Italııada koronavırýstan kóz jumǵandar sany 969-ǵa jetti. Italııa bıligi jańadan aýyrǵandar sany azaıyp kele jatqanyn, biraq kóz jumatyndar sany budan da kóp bolýy múmkin ekenin aıtady.
Ulttyq densaýlyq ınstıtýtynyń basshysy Sılvıo Brýsaferro aýrý juqtyrǵandar sany azaıyp kele jatqanynyń basty sebebi qatań shekteý sharalary qolǵa alynǵandyǵy ekenin aıtady.
«Bizde adam ólimi sany boıynsha áli sharyqtaý shegine jetken joqpyz», - deıdi ol.
Ótken táýlikte bul memlekette bir táýlikte aýrý juqtyrǵandar sany 712-ge jetken. Italııa Batys memleketteri ishinde alǵashqy bolyp qatań karantın rejımin engizdi jáne adamdardyń úıden shyǵýyn shektedi. Atalǵan memlekette koronavırsýtan kóz jumǵandar sany 4 934 adamǵa jetti.
Ispanııada aýrý juqtyrǵan 64 059 jaǵdaı anyqtaldy. Bul buǵan deıingi kórsetkishpen salystyrǵanda 7871-ge kóp. Ispanııa – aýrý juqtyrǵandar sany boıynsha Italııadan keıingi ekinshi eýropalyq memleket. Bul memlekette tótıenshe jaǵdaı rejımi 12 sáýirge deıin sozylyp, eldegi dúkenderdiń, mekemelerdiń jáne kompanııalardyń basym bóligi jabyldy. Ispanııanyń Densaýlyq saqtaý mınıstri jaǵdaı qalypqa kele jatqanyn aıtty.
«Búgingi adam ólimi sany keshegige qaraǵanda kóp ekeni ras. Paıyzben alyp qaraǵan kezde búgingi kúni bolǵan ólim sany men sońǵy úsh kúndegi ólim sanymen birdeı, bul jaǵdaı turaqtalyp kele jatqanyn bildiredi. Biz koronavırýs sebebinen ólýdiń sharyqtaý shegine jetken sııaqtymyz», - deıdi Reıter agenttigi.
DDSU-nyń usynysyna sáıkes júrsek, ıaǵnı egde jastaǵy adamdarmen qarymqatynasty 60%-ǵa, qalǵandarymen baılanysty 40% shektesek – koronavırýs juqtyrǵandar sany kúrt ósýin tejeýge bolady. Bul jaǵdaıda epıdemııa qurbandarynyń sany 20 mıllıonǵa qysqarady. Degenmen, eń jaqsy boljam jasaǵannyń ózinde, koronavırýstan qaza tabatyndar sany 1,3 mıllıonǵa jetýi múmkin. Frantsııanyń premer-mınıstri Edýard Fılıpp eldiń shyǵysynda bastalǵan epıdemııa Parıjdiń shetine deıin jetken. Frantsııadaǵy aýrýhanalar federatsııasy Parıjdegi aýrýhanalar 24-28 saǵat ishinde naýqastarǵa tolyp qalatyny týraly málimdedi. Orange mobıldi qosymshasynyń málimetinde, Parıjden 1,2 mln adam ketip qalǵan. Beısenbi kúni Frantsııada Covid-19 dıagnozy saldyranyn 16 jastaǵy qyz kóz jumdy. Ol atalǵan vırýstyń eń jas qurbany. Onyń ápkesi bul dert egde jastaǵy adamdarǵa ǵana qaýip tóndiredi degenge senýdi qoıý kerek ekenin aıtty.
Pandemııa saldarynan álemdegi ekonomıka quldyrap barady. Brıtanııada koronavırýstan kóz jumǵandar sany 759-ǵa jetti, bul ótken jolǵy kórsetkishpen salystyrǵanda 181-ge kóp. Aýrý juqtyrǵandar sany ár úsh-tórt kún saıyn kóbeıýde. Pandemııa kezinde aýrý juqtyrǵan 14 543 adam anyqtalsa, sońǵy táýlikte 2885 jańa jaǵdaı tirkelgen. Bul týraly Brıtanııanyń premer-mınıstri Brıtanıı Borıs Djonson aıtty.
AQSh-ta aýyrǵandar sany kún saıyn ósip keledi. Qazirgi ýaqytta aýrý juqtyrǵandar sany 100 myńnan asyp ketti. Bul memlekette 1300-den astam adam kóz jumdy. Prezıdent Donald Tramp koronavırýs pandemııasy saldarymen kúresý úshin trln dollar bólý týraly sheshim qabyldady.
Ońtústik Koreıa bıligi halyqtan úıden shyqpaýdy ótindi. Ol jaqta aýrý juqtyrǵan jańa jaǵdaı sany -91. Jalpy aýrý juqtyrǵandar sany qazirgi ýaqytta – 9 332. Premer-mınıstr Chon Se Gıýn kóktem shyqqan kezde úıde otyrý qıyn ekenin, biraq aýrýdyń taralý qaýpin tómendetý úshin úıden shyqpaý kerektigin aıtty.
Dawn gazetiniń habarlaýynsha, Pákistan Premeri Imran Han koronavırýspen kúresetin toptar qurylatynyn, ol top músheleri úıden shyǵa almaıtyn adamdarǵa azyq-túlik tasıtynyn aıtty.
Zımbabvede AQSh dollaryn qoldanýǵa ruqsat etildi. Ótken jyly ekonomıkany qoldaý úshin sheteldik valıýtalardy qoldanýǵa tyıym salynǵan bolatyn. Bul eldi dúısenbiden bastap karantın rejımi jarııalanady
Tanzanııada jalǵan aqparat taratqan eki adam qamaýǵa alyndy. Olar avtobýs ishindegiá adamdarǵa koronavırýs aýrýy ótirik ekenin dáleldemek bolǵan.
Afrıka kontınentinde 3450 adam aýrý juqtyrǵan. Sırııa koronavırýs aýrýynyń taralý qaýpnin azaıtý maqsatynda turǵyndardyń qala arasynda júrýge tyıym salǵan. Ol jaqta aýrý juqtyrǵandar sany ázirge 5 adam. Vırýstyń taralýy olar úshin aýyr soǵýy múmskin, sebebi azamattyq soǵys saldarynan olardyń medıtsına salasy álsirep qalǵan. Bul memlekette keshki altydan tańǵy altyǵa deıin komendanttyq saǵat engizildi.
Túrkııada koronavırýspen aýyrǵandar sany sońǵy táýlikte 2 069-ǵa jetti. Jalpy aýyrǵandar sany - 5 698 chelovek. Bul dertten kóz jumǵandar sany bir táýlikte 17 adamnan 92 adamǵa ósti.
