Koronavırýstan 2 adam qaıtys boldy – mınıstrlik

NUR-SULTAN. QazAqparat – Elimizde koronavırýstan 2 adam qaıtys boldy. Bul týraly QR Densaýlyq saqtaý mınıstrliginen málim etti, dep habarlaıdy QazAqparat.

Mınıstrlik 1 tamyzdaǵy táýlik ishinde tirkelgen málimetti usyndy. Oǵan sáıkes, el óńirlerinde koronavırýs ınfektsııasynyń belgileri bar pnevmonııanyń 33 jaǵdaıy anyqtaldy, ólim jaǵdaılary bolǵan joq. Jalpy, pandemııa bastalǵaly pnevmonııadan 5357 adam qaıtys boldy.

Al koronavırýstan 2 adam kóz jumdy. Búginge deıin vırýstan 13 666 adam qaıtys boldy.

3 tamyz tańynda taratylǵan aqparatqa súıensek, Qazaqstanda qazirgi ýaqytta koronavırýstan 27 747 adam (–27 498+ jáne 249 KVI-) emdelip jatyr. Olardyń ishinde 1 505 patsıent statsıonarda, 26 242 naýqas ambýlatorııalyq deńgeıde em qabyldaýda.

KVI+ (koronavırýs), KVI- (koronavırýs pnevmonııasy) shaldyqqandardyń arasynda:

- 32 adamnyń jaǵdaıy aýyr;

- 8 patsıenttiń jaǵdaıy óte aýyr;

- 3 naýqas ókpeni jasandy jeldetý apparatyna qosylǵan.