Koronavırýspen uzaq ýaqyt aýyrý jaǵdaılary: DDSU máseleni zertteýge kiristi

NUR-SULTAN. QazAqparat – Ǵalymdar toby koronavırýs ınfektsııasymen uzaq ýaqyt boıy aýyrý jaǵdaılaryn zertteýge kiristi. Zertteý maqsaty – osyndaı naýqastardy tekserý jáne emdeý úshin usynymdar ázirleý, dep habarlaıdy QazAqparat BUU Jańalyqtary saıtyna silteme jasap.

Dúnıejúzilik densaýlyq saqtaý uıymy sarapshylarynyń aıtýynsha, ınfektsııadan «jazylǵandardyń» basym bóligi aılar boıy álsizdik, tynys alýda problemalar sezinip, nevrologııalyq belgiler paıda bolady. DDSU koronavırýstyń uzaq ýaqytqa sozylǵan belgilerin «postkovıdtik jaǵdaı» dep ataýdy usyndy.

Birinshi qadam jasaldy – endi qalyń jurtshylyq aýrýǵa shaldyǵyp jazylǵandardyń jaǵdaıy erekeleý ne «qarapaıym kóńilsizdik» emes, aýrýdyń saldary ekenin bildi. Degenmen, ǵylymı ortanyń osyndaı patsıentterdi emdeý jáne olardyń jaǵdaıyn baǵalaýdyń standarttalǵan qadamdaryn ázirleýge bilimi jetpeı otyr.

Durys sheshimder qabyldaýǵa kómektesetin ǵylymı bazany keńeıtýge DDSU-nyń ǵalymdar toby, respıratorlyq jáne ınfektsııalyq aýrýlarmen aınalysatyn birqatar arnaıy halyqaralyq medıtsınalyq uıym kirisedi.

Ǵalymdar zertteýdiń birinshi fazasynda postkovıdtik patsıentterdiń jaǵdaıyn baǵalaý krıterıılerin, al ekinshisinde – bul belgilerdi qalaı tanýǵa bolatynyn anyqtaıdy.