Koronavırýspen syrqattanýshylyq 2,4 ese tómendedi - Tsoı
NUR-SULTAN. QazAqparat – Sońǵy aıda elimizde koronavırýspen syrqattanýshylyq 2,4 ese tómendedi. Bul týraly QR Densaýlyq saqtaý mınıstri Alekseı Tsoı málim etti, dep habarlaıdy QazAqparat tilshisi.
«Qyrkúıektiń basymen salystyrǵanda syrqattanýshylyqtyń kúndelikti deńgeıi 2,4 ese tómendedi. Bir aı ishinde taralý ındeksi – birden tómen. Infektsııalyq tósek-oryndardyń qamtylýy 39 paıyzdan 33 paıyzǵa deıin, reanımatsııalyq tósek-oryndardyń qamtylýy 40 paıyzdan 31 paıyzǵa deıin tómendedi», - dedi mınıstr Ortalyq kommýnıkatsııalar qyzmetindegi baspasóz máslıhatynda.
Sonymen qatar Alekseı Tsoı aýyr naýqastar sanynyń tómendeýi de baıqalatyndyǵyn aıtty.
«Sońǵy aıda aýyr jáne óte aýyr naýqastar sany 2 ese azaıdy», - dedi ol.
