Koronavırýspen syrqattanýdyń ósýi barlyq óńirlerde baıqalýda - Ajar Ǵınııat

NUR-SULTAN. QazAqparat – QR Densaýlyq saqtaý vıtse-mınıstri Ajar Ǵınııat koronavırýs ınfektsııasynyń taralýy jaǵdaıyna qatysty aıtyp berdi, dep habarlaıdy QazAqparat tilshisi.

«Sizderge álemdegi epıdemıologııalyq jaǵdaıdy eskere otyryp, respýblıkadaǵy koronavırýstyq ınfektsııanyń aldyn alý boıynsha qabyldanyp jatqan sharalar týraly habardar etkim keledi. Álemde aýrýdyń ósýi jalǵasýda. Qazirgi kezde álemniń 216 elinde KVI-dyń 48 mln-nan astam jaǵdaıy tirkelgen, syrqattanýshylyqtyń ósýi – 1 paıyz. 1 mln 200-deı adam qaıtys boldy, ólim kórsetkishi – 2,6 paıyz», - dedi vıtse-mınıstr Ortalyq kommýnıkatsııalar qyzmetinde.

Onyń aıtýynsha, Eýropa men Azııanyń keıbir elderinde burynǵysha aýrýdyń ósýi jalǵasýda. Sońǵy aıda Germanııada aýrýdyń taralýy kóbeıgeni baıqaldy.

Sońǵy 2 aptada elimizdiń óńirlerinde KOVID-pen syrqattanýdyń ósýi baıqalady.

«Syrqattanýdyń ósýi barlyq óńirlerde baıqalyp otyr. Ótken aptamen salystyrǵanda aýrý 2,6 esege ósti. Búgingi kúni 14 óńirdiń – Soltústik Qazaqstan oblysynyń, Batys Qazaqstan oblysynyń, Aqmola, Mańǵystaý, Almaty, Atyraý, Pavlodar, Qostanaı, Batys Qazaqstan, Shyǵys Qazaqstan, Qaraǵandy oblystarynyń ákimderi, Nur-Sultan, Almaty, Shymkent qalalarynyń ákimderi kúsheıtilgen sharalar qabyldady. Kúsheıtilgen sharalar qoǵamdyq tamaqtaný obektileriniń toltyrylýyn azaıtýǵa, kásipkerlik nemese ózge de qyzmet obektileriniń jáne halyqtyń tynys-tirshiligine qyzmet etetin nysandardyń jumys kestesin qysqartýǵa, shekteý sharalaryn saqtaýǵa, demalys kúnderi qoǵamdyq kólik qozǵalysyn toqtata turýǵa baǵyttalǵan», - dedi vıtse-mınıstr.