Koronavırýspen syrqattaný deńgeıi 1,2 ese tómendedi – Alekseı Tsoı

NUR-SULTAN. QazAqparat – Aqpan aıynda elimizde koronavırýspen syrqattaný deńgeıi qańtarmen salystyrǵanda 30% tómendedi. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Qańtar aıymen salystyrǵanda aqpanda syrqattanýshylyq deńgeıi 30% tómendedi. Al naýryz aıynda syrqattanýshylyq deńgeıi 1,2 esege tómendeýi baıqalady. Degenmen, Almaty men Nur-Sultan qalalary jáne Almaty jáne Batys Qazaqstan oblystarynda aýrýdyń ósýi baıqalady», - deıdi QR Densaýlyq saqtaý mınıstri Alekseı Tsoı.

Ol bul aımaqtardyń ákimderi syrqattanýshylyq deńgeıiniń ósýip ketý sebepterine egjeı-tegjeıli taldaý júrgizip, jedel sharalar qabyldaý qajettigin aıtty.

«KVI jaǵdaılarynyń sebepterin taldaý kezinde myna jaǵdaı anyqtaldy: óz erkimen qaralý kezinde KVIdiń anyqtalýy – 45%, naýqastanǵan adamdarmen baılanysta bolǵandar arasynda anyqtalǵandar – 35%, al profılaktıkalyq maqsatta emdelip júrgender arasynda anyqtalýy – 20%», - deıdi ol.