Koronavırýspen kúresýge baǵyttalǵan arnaıy shot ashyldy
ALMATY. QazAqparat – Almatyda «Jańa Alataý» qoǵamdyq qorynda koronavırýstan qorǵaný is-sharalary úshin arnaıy shot ashyldy, dep habarlaıdy QazAqparat tilshisi.
Bul týraly «Nur Otan» partııasynyń Almaty fılıaly tóraǵasynyń orynbasary Stanıslav Kankýrov Almaty ákimdiginde ótken onlaın brıfıng barysynda aıtty.
«Bizge qarapaıym halyq pen partııa múshelerinen, bastapqy partııa uıymdarynan kóp usynys túsip jatyr. Sondyqtan ákimdiktiń qoldaýymen Almaty qalalyq fılıaly «Jańa Alataý» qorynda arnaıy shot ashpaq. Bul shotqa kez-kelgen azamat qarajat jibere alady. Bul qarajatqa áleýmettik turǵydan az qamtylǵan otbasylarǵa sanıtarlyq qorǵanys quraldary, antıseptık, maska, sanıtaızer, antıbakterıaldy salfetkalar satylyp alynady. Qordyń esepshotyna qazir 200 mln teńge kóleminde qarajat tústi. Bul qarajaty QR Tuńǵysh Prezıdenti qory aýdarǵan. Jańa Alataý qory» búǵan deıin Almaty bolǵan tótenshe jaǵdaılar barysynda Medeýdegi órt kezinde, Naýryzbaı aýdanyndaǵy sel kezinde, Arystaǵy apat kezinde, Almatydaǵy ushaq apaty kezinde japa shekkenderge kómek bergen. Qor jumysyn arnaıy komıssııa basqaratyn bolady», - dedi partııa fılıaly tóraǵasynyń orynbasary Stanıslav Kankýrov.
Sonymen qatar, onyń aıtýynsha, «Nur Otan» bastaýysh partııa uıymdary, fılıal qyzmetkerleri «Jańa Alataý» qorynyń shotyna bir kúndik jalaqysyn aýdarmaq.
«JAŃA ALATAÝ» qoǵamdyq qory
RNN 600300567791
BIN 080740011034
IIK №KZ826010131000165601
«Qazaqstan Halyq banki» AQ
BIK HSBKKZKX
KBE 18 KNP 119
Telefon: 8 (727) 396-74-20
Jetekshisi
Balabekov Aıdar Býıtagalıevıch IIN 710315301396
