Koronavırýspen kúreste paıdalanylatyn taýarlardy baj salyǵynsyz jetkizý merzimi uzartyldy

NUR-SULTAN. QazAqparat - Eýrazııalyq ekonomıkalyq komıssııa Keńesi koronavırýstyq ınfektsııanyń taralýynyń aldyn alý jáne boldyrmaý úshin paıdalanylatyn keıbir taýarlarǵa baj salyǵynsyz ákelý merzimin uzartý týraly sheshim qabyldady.

Tarıftik jeńildik 2021 jylǵy 1 qazannan 31 naýryzǵa deıingi merzimge uzartylady, de habaraıdy QazAqparat Saýda jáne ıntegratsııa mınıstrliginiń baspasóz qyzmetine silteme jasap.

Atap aıtqanda, EAEO-ǵa múshe memlekettiń ýákiletti organy bergen ákelinetin taýarlardyń nysanaly maqsaty rastalǵan kezde vaktsınalardy, dári-dármekter men qorǵanysh quraldaryn (maskalar, dezınfektsııalaý quraldary, qolǵaptar jáne t.b.) óndirýge arnalǵan shıkizatty, sondaı-aq koronavırýstyq ınfektsııany emdeýge jáne aldyn alýǵa arnalǵan ártúrli apparatýralardy bajsyz ımporttaýǵa jol beriledi.

«Atalǵan tarıftik jeńildiktiń jarty jyldyq uzartylýy koronavırýspen kúresý úshin qajetti ónimdi ımporttaý kezinde kedendik bajdardy tóleý boıynsha shyǵyndardy azaıtýǵa múmkindik beredi», – dep atap ótti Saýda jáne ıntegratsııa vıtse-mınıstri Janel Kýshýkova.

Keńestiń sheshimi resmı jarııalanǵan kúninen bastap kúntizbelik 10 kún ótken soń kúshine enedi jáne 1 qazannan bastap týyndaǵan quqyqtyq qatynastarǵa qoldanylady.