Koronavırýspen kúreste halyqaralyq uıymdarmen ózara áreketti kúsheıtemiz –Qııasov
Onlaın-kezdesýge Dúnıejúzilik densaýlyq saqtaý uıymy, ıÝNISEF, ıÝNFPA, BUUDB jáne CDC halyqaralyq uıymdarynyń ókilderi qatysty. Taraptar áriptestiktiń perspektıvalyq baǵyttaryn jáne Qazaqstanda COVID-19 taralýynyń aldyn alý boıynsha júrgizilip jatqan jumysty talqylady.
«Koronavırýs ınfektsııasynyń taralýyn toqtatý úshin halyqaralyq yntymaqtastyq, ózara áreket pen qoldaýdyń mańyzy zor. Osy múmkindikti paıdalana otyryp, COVID-19-ǵa qarsy kúreste Qazaqstan halqyna gýmanıtarlyq jáne praktıkalyq kómek kórsetken barlyq uıymǵa alǵys bildiremiz», - dedi E.Qııasov.
Mınıstr atap ótkendeı, QR Densaýlyq saqtaý mınıstrligi men halyqaralyq uıymdar arasyndaǵy yntymaqtastyqty naǵaıtýǵa múmkindik mol. Alaıda, ózara áreketti áli de damytý kerek.
«Biz jumysty jandandyrýǵa jáne taraptar úshin ózara tıimdi perspektıvalyq baǵyttardy birlesip aıqyndaýǵa daıynbyz», - dep tolyqtyrdy ol.
Kezdesýge qatysýshylar yntymaqtastyqqa, sonyń ishinde vaktsınoprofılaktıka máseleleri boıynsha jáne COVID-19 taralýynyń aldyn alý sharalaryn saqtaýǵa daıyn ekendikterin bildirdi.
BUU-nyń Qazaqstandaǵy Turaqty úılestirýshisi Mıkaela Frıberg-Storm hanym búkil álemde densaýlyq saqtaý, áleýmettik-ekonomıkalyq sektorda daǵdarys júrip jatqanyn atap ótti. Qazaqstan da tys qalmady.
«Biz Úkimettiń úlken resýrs jumsap jatqanyn bilemiz jáne baǵalaımyz, jaǵdaıdy jaqsartý úshin odan ári qoldaý kórsetýge daıynbyz. Vırýsty tek birikkende ǵana toqtatýǵa bolady», - dedi Qazaqstandaǵy BUU ókili.
DDSU-nyń Qazaqstandaǵy Turaqty ókili Karolın Klarınval aldaǵy aılarda halyqty aqparattandyrýda qoǵamdyq densaýlyq saqtaý sektorymen ózara is-qımyl kúsheıe túsetinin atap ótti.
ıÝNISEF-tiń Qazaqstandaǵy ókili Artýr van Dızen Mınıstrliktiń qatysýshylary men ókilderiniń nazaryn ózge de ınfektsııalardyń aldyn alý, baqylaý sharalaryn da jalǵastyrýdy, sondaı-aq Ulttyq egý kúntizbesi boıynsha balalardy vaktsınatsııalaýdy qaıta bastaýǵa aýdardy.
ıÝNFPA-nyń QR-daǵy ókili Djýlııa Valeza genderlik zorlyq-zombylyqtyń aldyn alý boıynsha birlesip jumys isteýge daıyn ekendigin jáne osy baǵytta aqparattyq-túsindirý jumysyn júrgizýge nıetin bildirdi.
«Biz halyqtyń osal toptarymen jumys isteýge daıynbyz. Kórý nemese estý qabileti buzylǵan adamdar arasynda koronavırýs ınfektsııasy týraly aqparat taratýda mınıstrlikke qoldaý kórsetýge ázirmiz», - dedi D.Valeza.
Ortalyq Azııadaǵy SDS óńirlik dırektory Danıel Sınger indetke der kezinde den qoıý, sondaı-aq zerthanalyq zertteýlerdi nyǵaıtý úshin TJ boıynsha oqý ortalyǵynyń jumysyn qoldaýdyń mańyzdylyǵyn atap ótti.
«AQSh úkimeti atynan zerthanalardy kúsheıtýge kóńil bólemiz. Sonymen qatar, biz pandemııadan keıingi kezeńde ne isteıtinimizdi jáne osy jaǵdaıdan qandaı tájirıbe jınaǵanymyzdy oılaý kerek. Osyǵan baılanysty, biz Qazaqstanǵa uzaq merzimdi jospar ázirleýge jáne jiberilgen qatelerge baǵa berýge kómektesýge daıynbyz. Sondaı-aq, biz densaýlyq saqtaý sektoryndaǵy birqatar jobalardy ınvestıtsııalaýdy jalǵastyrýǵa nıettimiz», - dedi SDS ókili.
ıÝSAID-tiń QR-daǵy ókili Krıstıan Fang QR-daǵy COVID-19-dyń aldyn alý boıynsha birlesken áriptestiktiń, sondaı-aq halyqtyqtyń saqtyq sharalaryn saqtaýy óte mańyzdy ekenin atap ótti.
E.Qııasov qatysýshylardy Qazaqstandaǵy densaýlyq saqtaý salasyndaǵy qazirgi jaǵdaımen tanystyrdy.
«Ýaqytyly engizilgen qatań shekteý sharalarynyń arqasynda elimizde koronavırýs ınfektsııasymen syrqattanýshylyq boıynsha epıdemıologııalyq ahýal turaqtaldy», - dedi Bas sanıtarlyq dáriger.
Osylaısha, mınıstrlik halyqqa PTR-testileýdi qoljetimdi etti, dári-dármek qory jasaldy, naýqaspen baılanysta bolǵan adamdarǵa monıtorıng júrgizildi, aqparattyq tehnologııalar engizildi, halyqty aqparattandyrý boıynsha jumys jandandyryldy, táýlik boıy call-ortalyq qyzmet etti, 16 modýldik aýrýhana salyndy jáne 3 ınfektsııalyq aýrýhana rekonstrýktsııalandy, 63 ambýlatorııalyq-emhanalyq uıym paıdalanýǵa berildi, medıtsınalyq uıymdar ÓJJ apparaty (3 264 birlik) jáne rentgendik dıagnostıkalyq jabdyqpen qamtamasyz etildi. Elimizdiń medıtsınalyq joǵary oqý oryndarynda sanıtarlyq-gıgıenalyq beıindegi fakýltetter qaıta ashyldy.
2021 jylǵy 1 aqpannan halyqty kezeń-kezeńmen KVI-ge qarsy vaktsınatsııalaý bastaldy. 15 aqpanda Qaraǵandy farmatsevtıkalyq kesheni óndirgen «Spýtnık V» vaktsınasy tirkeldi. Bıyl sáýir aıynda otandyq ınaktıvtendirilgen QAZCOVID-IN vaktsınasyn paıdalaný josparlanyp otyr. Sonymen qatar, vaktsına alǵandardyń turaqty esebin júrgizý úshin halyqaralyq júıelermen ıntegratsııalaýǵa bolatyn vaktsınalaýdyń elektrondyq pasporty ázirlenip, engiziledi.
