Koronavırýspen kúreske MÁMS júıesinen 187 mlrd-tan astam teńge bólingen

NUR-SULTAN. QazAqparat – Ótken jyly koronavırýs ınfektsııasymen kúres sheńberinde is-sharalardy qarjylandyrý úshin mindetti áleýmettik medıtsınalyq saqtandyrý júıesinen 187,7 mlrd teńge bólindi. Bul týraly Ortalyq kommýnıkatsııalar qyzmetinde ótken brıfıngte Áleýmettik medıtsınalyq saqtandyrý qorynyń Basqarma tóraǵasy Bolat Tókejanov aıtty, dep habarlaıdy QazAqparat tilshisi.

«Jeltoqsandaǵy boljamdy somany qosa eseptegende: medıtsına qyzmetkerlerine ústemaqyǵa – 110,9 mlrd teńge, medıtsınalyq kómekke jáne KVI taralýyn toqtatýǵa – 53,9 mlrd teńge bólindi. Provızorlyq, karantındik jáne ınfektsııalyq statsıonarlarǵa 384 myń adam emdeýge jatqyzyldy jáne emdeldi. PTR dıagnostıka qyzmetine – 19,7 mlrd teńge qarastyrylyp, 1,9 mln-nan astam PTR-test ótkizildi. Mobıldi brıgadalarǵa 3,2 mlrd teńge bólinip, 550 myńǵa jýyq shaqyrýǵa qyzmet kórsetti», - deıdi Áleýmettik medıtsınalyq saqtandyrý qorynyń Basqarma tóraǵasy Bolat Tókejanov.