Koronavırýspen kúresip júrgen dárigerlerdi qoldaýǵa 1,5 mlrd teńge bólindi - Nur-Sultan ákimi
NUR-SULTAN. QazAqparat - Elordada koronavırýspen kúresip júrgen dárigerlerdi qoldaýǵa 1,5 mlrd teńge bólindi. Bul týraly «Habar-24» telearnasynyń tikeleı efırinde Nur-Sultan qalasynyń ákimi Altaı Kólginov aıtty, dep habarlaıdy QazAqparat tilshisi.
«Bizdiń basty mindetimiz - naýqas adamdardy der kezinde anyqtaý. Sondyqtan qazirgi ýaqytta testileýden ótetin azamattardyń sanyn kóbeıttik. Eger tótenshe jaǵdaı bastalǵan alǵashqy kúnderi bizde 1 zerthana jumys istese, qazirgi ýaqytta 5 zerthana jumys istep tur. Kúndelikti 3 myń adamǵa testileý júrgizilýde. Bul eń aldymen azamattarymyzdy barynsha testileýden ótkizip, qaýipsizdik sharalaryn qabyldaýǵa kómegin jáne septigin tıgizýde. Sonymen birge Prezıdenttiń tapsyrmasyna sáıkes, dárigerlerdiń qaýipsizdigin qamtamasyz etý úshin birqatar is-shara qabyldadyq», - dedi ol.
Máselen, onyń atap ótýinshe, tótenshe jaǵdaıdyń alǵashqy kezeńinde pnevmonııa nemese JRVI belgisi bar azamattar qalanyń kez kelgen emhanasyna nemese aýrýhanasyna baryp tekserile alatyn. Al bul eń aldymen dárigerlerge qaýip tóndirdi. Vırýs juqytyryp alǵan dárigerlerdi karantınge jatqyzýǵa týra keldi. Osydan keıin pnevmonııa dıagnozy bar azamattarǵa tek bir aýrýhana — temir jol aýrýhanasy belgilendi. JRVI nemese dene qyzýy bar adamdarǵa №2 emhana ǵana qyzmet kórsetti. Tótenshe jaǵdaı rejımi bitkennen keıin elordanyń barlyq 14 emhanasynda arnaıy bólek esik ashylyp, sol jerde JRVI nesese basqa da aýrý belgileri bar azamattardy dárigerler qabyldaı bastady.
«Bul sharalardyń arqasynda 150-ge jýyq vırýs juqtyrǵan adamnyń basqa aýrýhanalarǵa barýyna jol bermedik. ıAǵnı, dárigerlerimizdi jáne basqa da azamattardy qorǵap qaldyq. Vırýs anyqtalǵan ol azamattar qazirgi ýaqytta emdelip shyqty. Sonymen birge Prezıdenttiń tapsyrmasyna sáıkes, osy indetpen kúresip júrgen dárigerler memleket tarapynan qomaqty qoldaý alyp otyr. Qazirgi ýaqytta karantınde jumys jasap jatqan, aýrýhanalarda vırýs juqtyrǵan azamattardy emdep júrgen 4 myńǵa jýyq dárigerge 1,5 mlrd teńge bólindi», - dedi Altaı Kólginov.
