Koronavırýspen kúres: Úkimet basshysy naqty tapsyrmalar berdi

NUR-SULTAN. QazAqparat – Ákimdikter vaktsına alatyndardyń sanyn arttyrý boıynsha is-sharalar qabyldaýy qajet. Bul týraly Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Densaýlyq saqtaý mınıstrligine, ákimdikterge vaktsına alatyndardyń sanyn arttyrý boıynsha is-sharalar qabyldaýdy jáne óńirlerge vaktsınatsııalaý josparyna sáıkes vaktsınany jetkizýdi qamtamasyz etýdi tapsyramyn», - dedi Asqar Mamın.

Úkimet basshysy Aqparat jáne qoǵamdyq damý mınıstrligine medıa-jospardy jańartýdy jáne Densaýlyq saqtaý mınıstrligimen, ákimdiktermen birlesip vaktsınatsııalaýdyń mańyzdylyǵy týraly aqparattyq-túsindirý jumystaryn keńinen júrgizýdy júktedi.

«Densaýlyq saqtaý, Tsıfrlandyrý, Іshki ister mınıstrlikteri, «Atameken» palatasy, óńirlerdiń ákimdikteri sáýirdiń sońyna deıin bıznes sýbektileriniń qyzmetin jańartý jáne epıdemııaǵa qarsy is-sharalardy júrgizý úshin «adamdardyń shoǵyrlaný oryndaryn anyqtaý kartalaryn» engizý men mobıldi monıtorıngteý toptarynyń tıimdiligin jaqsartý maqsatynda barlyq óńirlerge «Ashyq» jobasyn engizsin», - degen Premer-Mınıstr bul tapsyrmalardyń oryndalýyn baqylaýdy orynbasary Eraly Toǵjanovqa júktedi.