Koronavırýspen kúres: Toqaev aýyl turǵyndaryna erekshe kóńil bólýdi júktedi
NUR-SULTAN. QazAqparat – Qazaqstan Prezıdenti Qasym-Jomart Toqaev halyqty aqparattandyrý, baǵdarlaý ári psıhologııalyq qoldaý úshin call-ortalyqtar jumysyn kúsheıtýdi tapsyrdy, dep habarlaıdy QazAqparat tilshisi.
«Іndeti sımptomsyz jáne jeńil formadaǵy patsıentterdiń sany kóp bolýyna baılanysty emhanalar men jedel medıtsınalyq járdem qyzmetine júkteme eselep artty. Telemedıtsınany paıdalana otyryp, úıde JRVI belgileri bar ambýlatorııalyq patsıentterdi anyqtaý men emdeýdi barynsha qamtamasyz etý kerek», - dedi Prezıdent koronavırýs indetiniń taralýyna qarsy kúres sharalary jónindegi keńeste.
Sonymen qatar Memleket basshysy halyqty aqparattandyrý, baǵdarlaý ári psıhologııalyq qoldaý úshin call-ortalyqtar jumysy kúsheıtilýi kerektigin tapsyrdy.
«Aýyl turǵyndaryna erekshe kóńil bólý kerek. Halyqtyń jartysyna jýyǵyn qorǵaýsyz qaldyrmas úshin aýyldarda dıagnostıka men emdeýdi qamtamasyz etý aıyryqsha mańyzdy», - dedi Qasym-Jomart Toqaev.
