Koronavırýspen kúres: Petropavl qalasy 6 aýmaqqa bólindi
PETROPAVL. QazAqparat – Petropavl qalasy karantın ýaqytyna alty aýmaqqa bólindi, dep habarlaıdy QazAqparat tilshisi.
Petropavl qalalyq ákimdigi baspasóz qyzmetiniń málimetinshe, bul – juqpaly indettiń taralýyna toqtaý qoıýǵa jáne halyqtyń júrip-turýyn qadaǵalaý úshin qabyldanǵan ýaqytsha sheshim.
Ár aýmaqta TJ kezeńinde týyndaǵan suraqtar boıynsha halyqqa kómek beretin toptar qurylǵan. Olardyń quramyna Petropavl qalalyq polıtsııa basqarmasynyń, PIK jáne jergilikti basqarý organdarynyń ókilderi kirgen.
Birinshi aýmaqqa Solnechnyı, Borkı, Orman, Kırpıchnyı, ıÝbıleınyı jáne 19-ynshy shaǵynaýdandary kirgen. Konsýltatıvtik kómek beretin top N.Nazarbaev kóshesi, 327B mekenjaıyndaǵy Qazaq mektep-gımnazııasynda ornalasqan, tel.47-26-88.
Ekinshi aýmaqqa Ortalyq, Zaısan, Severnyı jáne 20-ynshy shaǵynaýdandary kirgen. Osy aýdan turǵyndary suraq týyndaǵan jaǵdaıda N.Nazarbaev kóshesi, 89 mekenjaıyndaǵy № 7 orta mektepke habarlasa alady, tel.46-68-52.
Úshinshi aýmaqqa Jas Órken yqshamaýdany qaraıdy. Konsýltatıvtik kómek beretin top B.Petrov kóshesi, 44 mekenjaıyndaǵy № 40 orta mektepte ornalasqan, tel.53-59-64.
Tórtinshi aýmaq – Bereke yqshamaýdany. Turǵyndar qajet bolǵan jaǵdaıda Ilıa Zalmanov kóshesi, 46/1 mekenjaıynda ornalasqan № 25 orta mektepke habarlasa alady, tel.50-48-04.
Besinshi aýmaq Jumysshy kentin qamtıdy. Konsýltatıvtik kómek beretin top Pýgachev kóshesi, 129 mekenjaıyndaǵy № 31orta mektepte ornalasqan, tel.31-30-36.
Altynshy aýmaq – Bylǵary zaýyty jáne Zarechnyı kenti. Aýdandardyń turǵyndary osyndaǵy Ryjov, 51 mekenjaıynda ornalasqan № 12 orta mektepke, tel. 53-89-96 jáne Zarechnaıa, 59 mekenjaıynda ornalasqan № 13 orta mektepke habarlasa alady, tel.50-50-22.
Mamandardyń málimetinshe, bul aýmaqtardyń bárinde aýrýhanalar, dárihanalar, azyq-túlik dúkenderi men Qazposhta bólimsheleri ornalasqan. ıAǵnı, turǵyndarǵa basqa aýmaqqa shyǵýdyń qajeti joq. Júrip-turýdy shekteý sharalary halyqtyń densaýlyǵyn qorǵaý úshin qolǵa alynǵan.
