Koronavırýspen kúres: Mańǵystaý oblysynda muǵalimder túgel ekpe aldy
Oblys ákiminiń tóraǵalyǵymen ótken kezekti apparattyq jıynda muǵalimder men stýdentterdiń ekpe alýy men bilim ordalaryndaǵy qaýipsizdik sharalary talqylandy.
Bilim basqarmasynyń basshysy Svetlana Túlebaevanyń aıtýynsha, 1 qyrkúıekte dástúrli formatta sabaqty bastap ketý úshin mektep pedagogtary men tehnıkalyq personaldy vaktsınatsııadan ótkizý jumystary qarqyndy júrgizilip jatyr. Barlyq bilim berý mekemelerine Ashyk jobasy engizildi.
Búgingi tańda, vaktsınaǵa qarsy kórsetkishi joq pedagogtar men mekteptiń kishi qyzmetkerleri barlyǵy túgel ekpe alǵan. Sonymen qatar, balabaqsha, qosymsha bilim berý mekemeleri, kolledj qyzmetkerleriniń 93,5%-y vırýsqa qarsy egilgen. Apta sońyna deıin qalǵan qyzmetkerler tolyq vaktsınatsııalanbaq.
Al Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń rektory B.Ahmetovtyń málimetinshe, 2021-2022 oqý jylynda stýdentterdiń qaýipsizdigi úshin birqatar ózgertýler engizilgen. Máselen, bakalavrıattyn 1 kýrstary, osy jyldyń jeltoqsan aıyna deıin onlaın rejımde bilim alady. Óıtkeni erejege sáıkes birinshi kýrstyń 18-ge tolmaǵan stýdentteri ekpe almaıdy. Sonymen qatar, bakalavrıattyn 2,3,4 kýrstary, magıstratýranyń 1,2 kýrsy, doktorantýranyn 1 kýrsy offlaın rejımde oqıdy. Lektsııa sabaqtary onlaın rejıminde ótetin bolsa, semınar men laboratorııa sabaqtary oflaın rejıminde bolady.
Ujymdyq ımmýnıtet qalyptastyrý maqsatynda oqýtyshylar quramy men 18 jastan asqan stýdentter ekpe alýda. 1-qyrkúıekten bastap ýnıversıtetke kirý Ashyk jobasy arqyly júzege asady. Tek jasyl belgisi janǵan stýdentter men oqytýshylar ǵana bilim ordasyna kire alady.
