Koronavırýspen kúres: Qyzylordada medıtsına qyzmetkeriniń rezervi quryldy
QYZYLORDA. QazAqparat - Qyzylorda oblysynda koronavırýs ınfektsııasynyń boljamdy ekinshi tolqynyna daıyndyq jumystary kúsheıtildi, dep habarlaıdy QazAqparat tilshisi.
Qazir oblysta koronavırýs ınfektsııasyna baılanysty jaǵdaı turaqty. Medıtsınalyq uıymdar shtattyq rejımde jumys isteýde. Aımaqta 3500 medıtsına qyzmetkeriniń rezervi qurylǵan.
Qyzylorda qalasynda 200 adamǵa arnalǵan modýldik juqpaly aýrýlar aýrýhanasynyń qurylysy júrgizilýde. Kópbeıindi oblystyq aýrýhanada jáne Qazaly aýdanaralyq aýrýhanasynda demeýshiler esebinen ottegi stantsııasy salynýda.
«Tez soǵylatyn modýldi ınfektsııalyq aýrýhananyń qurylysy jeltoqsan aıynyń birinshi onkúndiginde aıaqtalady. Onda naýqastardyń em alýyna tolyq jaǵdaı jasalady. Emdeý ornynda jergilikti dárigerler qyzmet atqarady», - dedi oblystyq densaýlyq saqtaý basqarmasynyń basshysy Sábıt Pazylov.
Jyl basynda oblysta ókpeni jasandy jeldetý (IVL) apparatynyń sany 76 bolǵan edi. Qazirgi tańda olardyń sany 244 danaǵa jetti.
Esterińizge sala ketelik, Qyzylordada bir aptada koronavırýs ınfektsııasyn juqtyrýdyń 17 deregi anyqtaldy.
