14:41, 25 Qarasha 2020 | GMT +6
Koronavırýspen kúres: Qazaqstan Qyrǵyzstanǵa gýmanıtarlyq kómek joldady
NUR-SULTAN. QazAqparat - QR Indýstrııa jáne ınfraqurylymdyq damý mınıstrligi Qyrǵyzstanǵa gýmanıtarlyq júk jiberdi, dep habarlaıdy QazAqparat.
Vedomstvonyń málimetinshe, bul kómek QR Prezıdenti Qasym-Jomart Toqaevtyń tapsyrmasymen jáne Úkimettiń 13 qarashadaǵy № 763 qaýlysyna sáıkes berilip otyr.
Indýstrııa jáne ınfraqurylymdyq damý mınıstrligi 23 qarashada Qyrǵyz Respýblıkasyna aýyr júk kóligimen «Kókshetaý-4P» ókpeni jasandy jeldetý mobıldi apparattarynyń 400 danasyn jáne Qazaqstan kásiporyndarynda óndirilgen 2 mln medıtsınalyq maskany jiberdi.
Jiberilgen gýmanıtarlyq júktiń jalpy quny - 390 mln teńgege jýyq.
Onyń ishinde «Tynys» AQ shyǵarǵan «Kókshetaý-4P» ókpeni jasandy jeldetý apparattarynyń quny - 328 mln teńge.
«Dolce pharm» JShS jáne «Mega pharm» JShS shyǵarǵan medıtsınalyq betperde quny - 61 mln teńge.
