Koronavırýspen kúres: Dárigerler jumysqa qalaı jabdyqtalyp kirisetinin kórsetti
Soronavirus2020 Telegram paraqshasynda jarııalanǵan rolıkte qazaqstandyq dárigerler koronavırýstan qorǵaný úshin aýysym aldynda qandaı qorǵanysh kıimi men jabdyqtardy kıip jumysqa kirisetinin kórsetilgen. Kıimderdiń bári de bir rettik. Dárigerler eń aldymen arnaıy kombınezon kıedi. Osydan keıin barynsha qorǵap turatyn maska kıiledi. Artynsha qorǵanysh kózildirigi taǵylady. Vırýstan saqtaný úshin sonymen qatar uzyn bahıla men rezeńke etik kııý kerek. Qolǵa qorǵaýshy qolǵap kıiledi. Ekıpırovkanyń ýaqyty shamamen 5-7 mınýtqa sozylady.
Eske sala ketsek buǵan deıin QR Densaýlyq saqtaý mınıstri Eljan Birtanov búkil elimiz boıynsha koronavırýspen kúresip júrgen 30 myńnan astam dáriger ústemeaqy alatynyn habarlaǵan edi. Densaýlyq saqtaý salasyndaǵy qyzmetkerlerdi qarjylyq turǵyda qoldaýdy uıymdastyryp, qosymsha aqyny bólip berý maqsatynda oblystardaǵy jergilikti atqarýshy organdar tıisti komıssııany qurdy.
Aıta ketsek búgin tańerteńgi jaǵdaı boıynsha elimizde koronavırýs indetin juqtyrǵan taǵy 15 adam anyqtalyp, jalpy 880 naýqas tirkelip otyr.