Koronavırýspen kúres: dári-dármek jetkilikti me
«Búginde elimiz dárilik zattardyń jáne medıtsınalyq buıymdardyń qajetti kólemimen tolyq qamtamasyz etilgen. Aýrýhanalarda KVI-den emdeýge arnalǵan dáriniń bir aılyq qory, al «SQ-Farmatsııa» qoımalarynda jáne dárihanalarda 2 aılyq qory jasaqtalǵan. Barlyq óńirde 18 mlrd teńgeniń dárilik zattarynyń turaqtandyrý qory qurylǵan», - dedi ol.
Mınıstrdiń atap ótýinshe, ótken jyldyń tamyz aıynan beri aýrýhanalar men dárihanalarǵa júktemeni tómendetý maqsatynda KVI-den emdeýge arnalǵan dáriniń 5 túri ambýlatorlyq deńgeıde tegin beriledi. Mundaı dárilik zattardyń 1 mln adamǵa jetetin qory bar. Sonymen qatar koronavırýsqa qarsy 232 preparattyń quny ortasha eseppen 27 paıyzǵa tómendetilgen.
«Medıtsınalyq maskalar ortasha eseppen 20 teńgeden erkin satylyp jatyr. Qoımalarda 21,5 mln dana kóleminde jetkilikti qor bar. Medıtsına uıymdary jeke qorǵanys zattarymen tolyq qamtamasyz etilgen. Óńir ákimdikteri 3 aılyq qor jasaqtap qoıdy», - dedi Alekseı Tsoı.
