Koronavırýspen kúres: BQO-da 8700-den astam medıtsına qyzmetkerine 2,5 mlrd teńge ústemeaqy tólendi
ORAL. QazAqparat – COVID-19-ǵa qarsy kúres boıynsha is-sharalar aıasynda densaýlyq saqtaý nysandarynyń 8744 qyzmetkerine 2,5 mlrd teńge ústemeaqy tólendi, dep habarlaıdy QazAqparat tilshisi.
«Áleýmettik medıtsınalyq saqtandyrý qory» KEAQ BQO boıynsha fılıalynyń dırektory Nurjamal Jumaǵulovanyń óńirlik kommýnıkatsııalar qyzmeti alańynda ótken brıfıngide málim etkenindeı, koronavırýsty emdeýge engizilgen 5 preparatpen 33,8 mln teńgege 3422 patsıent qamtamasyz etildi.
Jyl basynan beri koronavırýspen aýyrǵan 3819 naýqas 2,3 mlrd teńgege em aldy.
Nurjamal Shamǵonqyzynyń sózine qaraǵanda, barlyǵy 72271 PTR-dıagnostıkaǵa arnalǵan jalpy somasy 55,4 mln teńge jáne 34478 ret mobıldi brıgadanyń shyqqany úshin 208,9 mln teńge tólendi.
Sondaı-aq fılıal dırektory BQO boıynsha 2021 jylǵa 46 densaýlyq saqtaý nysanymen tegin medıtsınalyq kómektiń kepildik berilgen kólemi aıasynda jáne mindetti áleýmettik medıtsınalyq saqtandyrý júıesinde qyzmetter kórsetýge tıisti sharttar jasalǵanyn jetkizdi.
«Bıyl 810 myń konsýltatsııalyq-dıagnostıkalyq kómek qyzmetine 1,5 mlrd teńge jumsaldy. 1123 naýqasqa MÁMS aıasynda 253,8 mln teńgege táýliktik statsıonarlarda medıtsınalyq ońaltý qyzmeti kórsetildi. Sondaı-aq statsıonarlarda josparly túrde 8456 patsıent 1,48 mlrd teńgege emdeldi. 4,2 myń bosaný (477,9 mln teńge) tirkeldi.
1,92 mlrd teńgege 7388 myń ota jasaldy», dedi N.Jumaǵulova.
Eske sala keteıik, budan buryn Batys Qazaqstanda koronavırýs juqtyrǵandar sany 8,8 paıyzǵa azaıǵanyn jazǵan bolatynbyz.
