Koronavırýspen aýyryp jazylǵandarǵa 5 paıdaly keńes
NUR-SULTAN. QazAqparat - Qoǵamdyq densaýlyqty nyǵaıtý ortalyǵynyń basshysy Jazıra Emberdıeva koronavırýs ınfektsııasymen aýyryp jazylǵandarǵa 5 paıdaly keńes aıtty, dep habarlaıdy QazAqparat tilshisi.
QR DSM Qoǵamdyq densaýlyq saqtaý ulttyq ortalyǵy , qoǵamdyq densaýlyqty nyǵaıtý ortalyǵynyń basshysy Jazıra Emberdıeva koronavırýsty ınfektsııamen aýyrǵan adamdarǵa myna keńesterdi usynady:
1. Kún saıynǵy tynys alý gımnastıkasy. Dem alýdy – dem shyǵarýdy baqylaý arqyly qarapaıym jattyǵý jasaý. Olardy otyryp ta, tósekte jatyp nemese shalqaıyp otyryp ta jasaýǵa bolady. Aýrýdan keıin organızm áli de kúsheımegendikten, jattyǵýdy shamadan tys kóp jasamańyz, júktemelerdi birtindep arttyrǵanyńyz durys. Tynys alý gımnastıkasy ókpeniń qalypty jumys isteýine yqpal etedi jáne ony ottegimen qanyqtyrady.
2. Taza aýada kún saıyn serýendeý. Jaıaý júrý gaz almasýdy jaqsartady jáne koronavırýs ınfektsııasynan soń jáne organızmniń uzaq ýaqyt álsireýinen keıin sizge óte qajet kúsh qýat beredi.
3. Durys tamaqtaný kerek! Organızmge aqýyz, maılar jáne kómirsý qajet. Kókónis pen jemis-jıdek mol bolatyn jazda solarǵa kóbirek mán berińiz. Táttilerden de bas tartpańyz (tek belgili bir kólemde) – olar kóńil-kúıińizdi jaqsartady.
4. 7-8 saǵattan kem bolmaıtyn tolyqqandy uıqy. Uıyqtardyń aldynda bólmeni mindetti túrde jeldetý kerek jáne 2 – 3 saǵat buryn tamaqtanǵan durys. Bul tez qalypqa kelýińizge kómektesedi.
5. Strestiń jáne úreıdiń aldyn alý. Qazir barlyǵymyz – aýyrǵandar da, aýyrmaǵandar da stress jaǵdaıyndamyz. Atalǵan ınfektsııanyń ereksheligi gıpoksııa, otteginiń jetispeýi. Bul qorqynyshtyń jáne depressııanyń alǵysharty bolýy múmkin. Mundaı jaǵdaıda psıhologten keńes alýyńyzǵa bolady. Ol sizge alańdamaýǵa jáne senimdi bolýǵa keńes beredi. Álde jaqyn adamdaryńyzben qarym-qatynasty kúsheıtińiz, tabıǵat aıasyna shyǵyńyz, D vıtamınin arttyrý úshin kúnge kúıińiz, oń emotsııa tezirek qalypqa kelýge kómektesedi.
