Koronavırýspen aýyrǵannan keıin ıis, dám sezý qabiletin qalaı qalpyna keltirýge bolady
«Emhanamyzǵa ókpesin skrınıngten ótkizetin adam kóp keledi. Óz tájirıbemde baıqaǵanym vaktsınatsııadan ótken adam men odan bas tartqan adamnyń ókpesinde aıyrmashylyq bar. Ekpe alyp, alaıda kovıd ınfektsııasyn juqtyrǵan bolsa ókpesine zııan tımeıdi desem de bolady. Óz basym vaktsına alǵan adamnyń kóp degende 10-15 paıyzyna ǵana zaqym kelgenin baıqadym. Mundaı jaǵdaıda naýqastyń statsıonarǵa jatyp, kúndiz-túni dárigerdiń baqylaýynda bolýynyń esh qajeti joq. Úıinde emdele berse de bolady. Al vaktsına almaǵan adam koronavırýstyń ortasha nemese aýyr túrin ótkeredi», - dedi Anar Asýbekova elorda ákimdiginiń resmı saıtyna bergen suhbatynda.
Sózin jalǵaı otyryp, dáriger COVID-19 ınfektsııasyn juqtyrǵannan keıin ıis, dám sezý qabiletin ornyna qalaı keltirýge bolatynyn túsindirip berdi.
«Koronavırýs juqtyrǵan naýqastyń ókpesinde qabyný bolǵan kezde shyryshty qabatynyń isinýi paıda bolady. Saldarynan ıis sezý júıkesi zaqymdanǵandyqtan biraz ýaqytqa deıin adamda ıis sezý, dám sezý nasharlap turady. Tipti múldem sezbeı qalady. Bul isiný ketkennen keıin aqyryndap qana ornyna keledi. Portsesti jyldamdatý úshin muryndy tuzdy sýmen nemese arnaıy eritindilermen kúndelikti shaıyp otyrý kerek. Al isiný azdap basylǵannan keıin hosh ıisti zattardy ıiskep júıkeniń fýnktsııasyn qaıtadan qalpyna keltirýge bolady», - dedi aqhalatty dáriger.
Koronavırýs ınfektsııasyn emdelip shyqqannan keıin adam qansha ýaqyt kútinýi qajet? Neden saqtanýy kerek?
«Aldymen keminde eki apta karantın rejımin saqtaýy kerek. Naqtyraq aıtqanda, óz-ózin kútinip, jyly kıiný, adam kóp jınalǵan oryndarǵa barmaý, Bas memlekettik sanıtarlyq dárigerdiń qaýlysynda kórsetilgen talaptardy tolyqtaı saqtaý qajet. Sol sııaqty durys tamaqtaný, ýaqytyly uıyqtaý, sharshaǵansha jumys istemeý kerek», - dep túsindirdi.
Dáriger óz sózinde naýqas emdelip shyqqannan soń ushaqqa otyrý qaýipti ekenin aıryqsha atap ótti.
«Alǵashqyda ınkýbatsııalyq ýaqytta birneshe kúnnen 20 kúnge deıin sozylýy múmkin. Keıin aıqyn klınıkalyq belgileri bolǵannan keıin birer aptadan bir aıǵa deıin jalǵasýy múmkin. Al PTR nátıjesi teris bolǵannan keıin ushýyna bolady. Biraq onyń ózinde dárigeriniń ruqsatyn alý qajet. Sebebi bul ár adamnyń óz aǵzasyna baılanysty», - dedi ol.
Anar Asýbekova koronavırýstan bólek sozylmaly aýrýlary bolsa, ushaqqa otyrýyna jarty jyl, tipti bir jylǵa deıin ruqsat berilmeýi múmkin ekenin jetkizdi.
Aıta keteıik, koronavırýs indetin juqtyrǵandar qatary azaıǵanmen elordada «qyzyl» aımaqtan áli shyqqan joq.
Karantınge deıingi qalypty ómirge oralýdyń jalǵyz joly – vaktsınatsııa arqyly ujymdyq ımmýnıtetti damytý.
Sol sebepti óz densaýlyǵyńyzdy ǵana emes ózgelerdi de qorǵaý úshin ekpe alý qajet.
