Koronavırýspen aýyrǵandardyń 58 paıyzy úsh óńirge tıesili

NUR-SULTAN. QazAqparat – Koronavırýspen syrqattanýshylyqtyń 58 paıyzy 3 óńirge tıesili. Bul týraly QR Densaýlyq saqtaý vıtse-mınıstri – Bas memlekettik sanıtar dáriger Erlan Qııasov aıtty, dep habarlaıdy QazAqparat tilshisi.

«Naýryz aıymen salystyrǵanda sáýir aıynda syrqattanýshylyqtyń ósýi Aqmola, Qostanaı, Pavlodar jáne Soltústik Qazaqstan oblystaryn qospaǵanda, barlyq óńirlerde baıqalady. Bul rette el boıynsha syrqattanýshylyqtyń 58 paıyzy 3 óńirge, atap aıtqanda Nur-Sultan jáne Almaty qalalary men Almaty oblysyna tıesili», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, qalyptasqan jaǵdaıdy eskere otyryp, barlyq óńirlerde áleýmettik-ekonomıkalyq nysandardyń jumysyn shekteý ólshemsharttaryna sáıkes qosymsha shekteý sharalary qabyldanýda.