Koronavırýspen aýyrǵandar ońaltýdan ótý kerek - sarapshy

ALMATY. QazAqparat - Koronavırýspen aýyrǵandar ońaltýdy qajet etedi, dep habarlaıdy QazAqparat tilshisi. Bul týraly Almatydaǵy S. D. Asfendııarov atyndaǵy QazUMÝ-diń medıtsınalyq-sanıtarlyq alǵashqy kómek bóliminiń meńgerýshisi, PhD fılosofııa doktory Dınara Mahanbetqulova onlaın brıfıng barysynda aıtty.

Onyń aıtýynsha, koronavırýspen jeńil, orta, aýyr deńgeıde aýyrǵan naýqastar ońaltýdy qajet etedi. Ońaltý statsıonar deńgeıinen bastalý kerek. Ońaltý kompleksti, ratsıonaldy túrde, búkil klınıkalyq erekshelikterdi, psıhologııalyq faktorlardy eskere otyryp júrgizilý kerek.

«Naýqas statsıonardan shyqqan soń, emhanaǵa keledi. Onda dárigerler naýqasty reabılıtatsııalyq ortalyqtarǵa jiberedi jáne qajetti dáriler men ońaltý usynystaryn beredi. Osydan keıin naýqas sanatorlyq kýrort kezeńinen ótýi tıis. Aýyrǵan soń, aýrý deńgeıine baılanysty bul naýqastar emhana deńgeıinde ýchaskelik dárigerde esepte turady»,-dedi ol.