Koronavırýspen aýyrǵandar ımmýnıtetin kóterýi úshin ne isteýi kerek
NUR-SULTAN. QazAqparat – Ortalyq kommıkatsııalar qyzmetinde ótken brıfıngte maman koronavırýspen aýyrǵandardyń ımmýnıtetin kóterýge qatysty birqatar keńes berdi, dep habarlaıdy QazAqparat tilshisi.
«Immýnıtetti kóterýge qatysty naqty usynys joq. Jalpy fızıkalyq júktemeni kóterip, jıi qozǵalýǵa keńes beremiz. Sondaı-aq, nýtrıtıvti qoldaý qajet, ıaǵnı durys tamaqtaný kerek. Uıqyny retke keltirý qajet. Koronavırýspen aýyrǵan adam 8 saǵattan kem emes ýaqyt uıyqtaýy kerek jáne mindetti túrde kúndizgi ýaqytta demalýy qajet. Dıeta ustaǵan kezde dárýmenderi mol bolýyn qadaǵalaý qajet. D, V, S tobyndaǵy dárimenderdi, myrysh pen magnııdi qoldaný kerek. Jalpy qandaı dárimendi kóbirek qoldaný árbir naýqasqa qatysty jeke qaralýy tıis», - deıdi «Ulttyq ǵylymı kardıohırýrgııa ortalyǵynyń» bólim meńgerýshisi Aınur Táýekelova.
Eske sala ketsek, buǵan deıin koronavırýstan emdelgender aspırındi dárigerdiń ruqsatymen ǵana qoldaný kerektigin jazdyq.
Quramynda aspırıni bar dárilerdi qoldaný qandaı sozylmaly aýrýy bar ekendigine baılanysty.
