Koronavırýspen aýyrǵan blogerler donorlyq qan tapsyryp jatyr
ALMATY. QazAqparat – Almatyda koronavırýs ınfektsııasyn emdeý úshin donorlyqty nasıhattaý aktsııasy bastaldy, dep habarlaıdy QazAqparat tilshisi.
Bul bastamany belgili blogerler, belsendiler uıymdastyrdy. Olardyń ishinde koronavırýspen aýyrǵan blogerler de bar.
TMD aýmaǵynda birinshi ret qolǵa alynyp otyrǵan bul aktsııanyń basty maqsaty – naýqastardyń densaýlyǵyn saqtaýǵa qoǵam úlesin qosýdy nasıhattaý.
«Ómirge úmit syıla» dep atalatyn aktsııaǵa 2 apta daıyndaldyq. Bul ıgi bastamany Qaırat Qudaıbergenov bastady. Bizdiń ıdeıamyzdy qala ákimdigi de qoldady. Búgin Qan ortalyǵyna kóp adamdy jınap, qan tapsyrýǵa úgit-nasıhat júrgizip jatyrmyz», - dedi Instagram-daǵy pablıkterdiń biriniń ákimshis, bloger ári kásipker Vladımır Volkov.
Ǵylymı zertteýlerge sáıkes, qan plazmasy kádimgi vaktsınanyń ornyn almastyrady.
«Eger qan taldaýy barlyq jaǵynan taza bolsa, qan tapsyrý – ár azamattyń boryshy dep sanaımyn. Sebebi, adamdarǵa qan kez kelgen jaǵdaıda kerek bolady. Bul materıal aýyryp jatqan kóptegen azamattyń densaýlyǵyn jaqsartýǵa yqpal etpek», - dedi belgili qazaqstandyq vaıner Meıirjan Tórebaev.
Aktsııa uıymdastyrýshylary KVI-men aýyrǵan azamattardy qan tapsyrýǵa shaqyrdy. Sebebi olardyń qanynyń plazmasynda koronavırýsqa qarsy antıdeneler kóp bolady.
